ஐ.ஏ.எம் நன்றி நவில்தல் விழா 2022 (IAM Thanksgiving 2022)

வட அமெரிக்காவின், மினசோட்டா மாநிலத்தில் அமைந்துள்ள ‘இந்தியன் அசோசியேஷன் ஆஃப் மினசோட்டா’ (Indian Association of Minnesota) அமைப்பின் சார்பில் 2022 ஆம் ஆண்டு ஆண்டில் உதவி அனைத்து தன்னார்வலர்கள், வர்த்தக ரீதியாக உதவியவர்கள் மற்றும்  தன்னார்வ  நிறுவனங்களுக்கும் நன்றி சொல்லும் விதமாக நன்றி நவில்தல் விழா ஏற்பாடு செய்யப்பட்டிருந்தது. இந்த விழா  மேப்பில் குரோவில்  அமைந்துள்ள சமுதாயக் கூடத்தில் சென்ற மாதம் நடைபெற்றது.

விழாவின் சிறப்பம்சமாக அனைவருக்கும்  இரவு உணவு வழங்கப்பட்டது. பின்பு புதிதாக பதவியேற்றுள்ள இந்தியன் அசோசியேஷன் ஆஃப் மினசோட்டா தலைவர் தணவி  பிரிஃஜ் (Tanwi Prigge) அனைவரையும் வரவேற்று இந்த விழாவைத் தொடங்கி வைத்தார். முந்தையத் தலைவர் அனைவர்க்குமான நன்றியுரையை வழங்கினார். புதிய தலைவர்  2023 செயல்திட்டங்களைப் பற்றி விளக்கினார்.  இந்த ஆண்டு இந்தியன் அசோசியேஷன் ஆஃப் மினசோட்டா   50ஆவது ஆண்டை தொடங்கவுள்ளது கூடுதலான கொண்டாட்டம்.

விழாவின் சிறப்பாக கலை நிகழ்ச்சிகள் பிரியங்கா முத்ராவின் (Priyanka Mudra)  நடனக்குழு மிகவும் சிறப்பாக நடனம் ஆடி வந்திருந்த அனைவரையும் மகிழ்வித்தனர்.

அன்றைய தினம் எடுக்கப்பட்ட புகைப்படங்கள் சில உங்களுக்காக!!!

 – ராஜேஷ் கோவிந்தராஜன்.