அடைந்ததென்ன? இழந்ததென்ன?
இலவசம் – அடைந்ததென்ன? இழந்ததென்ன?
சந்தையிலே விற்பதற்கு – மண்ணெண்ணை இலவசம்
சாதிச்சலுகை பெயரில் – வேலையுமே இலவசம்
மின்னிணைப்பு இல்லை – தொலைக்காட்சி இலவசம்
மீளாத்தடங்கல் என்றும் – மின்சாரம் இலவசம்
உன்னுரிமை வாக்களிக்க – ஐநூறு இலவசம்
ஊன்வளர்க்க அரிசிகூட – மலிவுவிலை இலவசம்
எரிவாயு சமையலுக்கு – விலைக்குறைப்பு இலவசம்
ஏற்றம்காண நீகொடுக்கும் – லஞ்சம்கூட இலவசம்
ஒன்றொன்றாய்ப் பறிப்பதற்கு – இன்றிங்கே இலவசம்
ஓர்காலத்திலே நலிந்தவர்க்கு – ஊக்கம்தானே இலவசம்
மேலாண்மை தந்த – வணிகவிந்தை இலவசம்
வேளாண்மை நலிய – செய்ததிந்த அவலம்
பெற்றதொன்று கைநீட்டி – இலவசமாம் சன்மானம்
விற்றுவிட்டாய் சில்லறைக்கு – நீசேர்த்த தன்மானம்
அப்பிச்சையினை நீயும்பெற – கிடக்கின்றாய் நெடுந்தவம்
அந்நெரிசலிலே சிக்கியுருளும் – தலைகளங்கே ஒருபுறம்
அடைந்ததென்ன இழந்ததென்ன – நினைத்துப்பாரேன் ஒருகணம்
கவனத்தை உழைப்பிலிடு – அடைவாய்நீ பலநலம்
– சச்சிதானந்தன் வெ.
ilavasthil ivvalauv ullatha