சமையல் : பிஸிபேளேபாத்

தேவையான பொருட்கள்:

அரிசி – 1 கப்
துவரம் பருப்பு – ½ கப்
வெங்காயம் – 1
தக்காளி – 1
பீன்ஸ் – 10
கேரட் – 1
உருளைக்கிழங்கு – 1
முருங்கைக்காய் – சிறிதளவு
புளி – சிறிய எலுமிச்சை அளவு (கரைத்து கொள்ளவும்)
மிளகாய்த் தூள் – தேவைக்கேற்ப
மஞ்சள் தூள் – சிறிதளவு

மசாலா அறைப்பதற்காகத் தேவையான பொருட்கள்:
கடலைப் பருப்பு – 2 ஸ்பூன்
தனியா – 2 ஸ்பூன்
மிளகு -1/2 ஸ்பூன்
சீரகம் -1 ஸ்பூன்
வெந்தயம் – 1/4 ஸ்பூன்
காய்ந்த மிளகாய் -8 (௮) 10
பட்டை – 2 சிறிய துண்டு
கிராம்பு – 2
பெருங்காயத்தூள் – 1/2 ஸ்பூன்
தேங்காய்த் துருவல் -1/4 கப்

தாளிக்கத் தேவையான பொருட்கள்:
எண்ணை – தேவையான அளவு
கடுகு – 1/4 ஸ்பூன்
உளுத்தம்பருப்பு – 1/4 ஸ்பூன்
கரிவேப்பிலை – சிறிதளவு
நெய் – 2 ஸ்பூன்
கொத்துமல்லி இலை சிறிதளவு

செய்முறை:

1. அரிசி மற்றும் துவரம் பருப்பை தனித் தனியாக வேக வைத்து எடுத்துக்கொள்ளவும்.
2. மசாலா அறைக்கத் தேவையான பொருட்களை வாணலியில் பொன்னிரமாக வறுத்து தேங்காய்த் துறுவலுடன் சேர்த்து மையாக அரைத்துக்கொள்ளவும்.
3. அடி கனமான பாத்திரத்தில் சிறிது எண்ணை சேர்த்து கடுகு உளுத்தம் பருப்பு கறிவேப்பிலை சேர்த்து தாளித்து வெங்காயம் தக்காளி சேர்த்து வதக்கவும்.
4. வெங்காயம் வதந்கிய உடன் நறுக்கிய காய்கறிகளை சேர்த்து 2 நிமிடம் வதக்கவும்
5. பின் அதனுடன் கரைத்த புளி, மஞ்சள் தூள் மற்றும் உப்பு சேர்த்து 5 நிமிடம் வேகவிடவும்.
6. காய்கறிகளுடன் அரைத்த மசாலா மற்றும் பருப்பைச் சேர்த்து 5 நிமிடம் வேகவிடவும். தேவைப்பட்டால் மிளகாய்த் தூள் சேர்த்துக் கொள்ளலாம்.
7. அதனுடன் வேகவைத்துள்ள அரிசியுடன் 2 ஸ்பூன் நெய் சேர்த்து நன்கு மசியக் கிளறி, கொத்துமல்லி இலை சேர்த்து இறக்கி வைக்கவும்.

சுவையான பிஸிபேளேபாத் தயார்!!!

– சங்கீதா