இறால் வறுவல்

கடல் உணவு ரசிகர்களுக்குப் பிடிக்கும் இறாலை, சுலபமாகச் சுவையாகச் சமைக்கும் வழிமுறை இது. இறாலில் உடலுக்கு நன்மையளிக்கும் புரதம், விட்டமின் B12, அமினோ அசிட், ஒமேகா-3, செலினியம் ஆகியவை இருக்கின்றன.

சிலருக்கு இறால் அல்லது பொதுவான கடலுணவு அலர்ஜி இருக்கும். அப்படி இல்லையென்றால், தயங்காமல் இதைச் சமைத்துப்  பார்க்கவும்.

இங்கு இறால் என்று குறிப்பிட்டாலும், Prawn அல்லது Shrimp – இரண்டில் எதை வேண்டுமானாலும் பயன்படுத்தலாம்.

1. இறாலை நன்கு கழுவி, உப்பு, மஞ்சள் தூள், இஞ்சி பூண்டு விழுது போட்டுக் கலந்து அரை மணி நேரம் ஊற வைக்கவும்.
2. அடுப்பில் ஒரு தட்டையான வாணலியை வைத்து, அதில் தேங்காய் எண்ணெய் ஊற்றி சூடானவுடன், கருவேப்பிலை, மிளகாயைக் கீறி போட்டுத் தாளிக்கவும்.
3. பின்பு ஊறவைத்த இறாலைப் போட்டுப் பிரட்டி விடவும்.
4. இதனுடன் சீரகத்தூள், மிளகாய்த்தூள், கரம் மசாலா போட்டு, மிதமான சூட்டில் வறுக்கவும்.
5. இறாலுடன் மசாலா நன்றாகச் சேர்ந்து, வறுபட்டவுடன் அடுப்பில் இருந்து இறக்கவும்.
6. கொத்தமல்லி தழை தூவி பரிமாறவும்.

பிரமாதமான இறால் வறுவல் ரெடி. மாலை சிற்றுண்டியாகவோ, மீன் அல்லது இறால் குழம்பு சோற்றுடனோ,, பிரியாணி போன்றவற்றுடனோ சாப்பிட உகந்தது. தட்டில் வைத்தவுடன் காலி ஆகிவிடும். உத்தரவாதம்.

• சங்கீதா சரவணகுமரன்.