ஒற்றைப் பார்வையால் ….!!
வைகறைப் பொழுதினில்
ஜன்னலிடை நுழைந்து எனை இழுக்கும்
காலைக் கதிரவனின் கண்கூடக் கூசும் ஒரு நிமிடம்
உந்தன் ஒற்றைப் பார்வையால் …..!
அதிகாலை உறைபனியில் புல்நுனியில்
படர்ந்திருந்த பனித்துளியாய் எனை
என்னுள் உறைய வைத்தாயே
உந்தன் ஒற்றைப் பார்வையால் …!
யாமத்தைக் கூட்டவே கனவினில்
புன்னகையைத் தெளித்தே பூக்கோலமிட்டு
பல வண்ணங்களை என்னுள் தீட்டினாயே
உந்தன் ஒற்றைப் பார்வையால் …!
மழையின் ஸ்பரிசத்தை நடுநிசியில்
அறிந்திட மின்சாரத்தை என்னுள் பாய்ச்சியே
தென்றலின் தீண்டலைத் தந்தாயே
உந்தன் ஒற்றைப் பார்வையால் …!
– உமையாள்
