அலை பாயும் மனதினிலே !
சிற்பி
கையிலே சிற்றுளி
செதுக்க முடியாமல்
சிலையாக நின்றான்
அலைபாயும் மனதோடு !
அவன்
வசிப்பது வசந்த மாளிகை
புசிப்பது அறுசுவை உணவு
துயில்வது பஞ்சு மெத்தை
துக்கம் மனதோடு தழுவி
தூக்கம் கண்களைத் தழுவாமல்
தூங்காமல் அலை பாய்கிறதே!
அவன்
பொய் முகத்தை
மெய் முகமெனக் காட்டி
பணம் பதவி புகழ் நாட்டி
பசித்தவன் போல்
மன நிம்மதி தேடி
கடல் அலைகள்போல்
கவலையில் அலைகின்றானே !
உலகில்
காதலே அலைபோலே
மோதலே அதன் மேலே
காதலர்கள்
முடிவில் சாதலே நினைப்பது
அலை பாயும் மனதினிலே !
- கவிஞர் பூ. சுப்ரமணியன்
