கொரோனா பயம்
காலம் பொன் போன்றது
இப்போதைக்கு விட்டு விடுங்கள்
உயிர் அதைவிடப் புனிதமானது
பயணத்தை நிறுத்துங்கள்
உலகை உருவாக்கும் முயற்சியில்
உங்கள் வாழ்க்கையை ஒப்புவியுங்கள்
கண்களில் ஒளிக்கீற்றை வரவழைத்து
மனதை திடப்படுத்திக் கொள்ளுங்கள்
நம்பிக்கை என்ற ஒரு சிறு சொல்லே
காலத்தை மாற்றும் அற்புதம் என்று நம்புவோமாக
இதயத்துடன் இதயம் பேசுவோம்
சொற்கள் மௌனித்து போகுமுன்
உமக்காய் இன்னும் உம் மக்களுக்காய்
உங்கள் கைகளைக் கழுவுங்கள்
மரணத்துக்காய் திறக்கப்பட்ட பெருங் கதவை
முழுவதுமாய் மூட உதவுங்கள்
வெற்றுச் சாளரங்களின் வழியே உலகை ரசியுங்கள்
மூப்பர் யாரையும் வெளியில் அழையாதீர்கள்
அண்டை வீட்டாரிடம் ஒரு சிறு கையசைப்புடன் விடைபெறுங்கள்
உமக்காகவும் உம் மக்களுக்காகவும் மன்றாடுங்கள்
ஆம்… தனிமை பயமானதுதான்
ஆனால்… நோய் அதைவிடப் பயங்கரமானது
காலம் பொன் போன்றது
இப்போதைக்கு விட்டு விடுங்கள்
உயிர் அதைவிடப் புனிதமானது
சிலவார அமைதிக்கு பின் மீண்டும் கூடலாம்
கூடி நாங்கள் ஒரு புது உலகம் செய்யலாம்
-ஊரவன்-
