ரத ஆலயம் (Gundicha Mandir)
வட அமெரிக்காவில் மினசோட்டா மாநிலத்தில் மேப்பிள் குரோவில் உள்ள இந்துக் கோவிலில் தேர் நிறுத்துவதற்கு என்று தனியிடம் அமைத்து அதற்குண்டான கோபுர வழிபாடுகள் சென்ற மாதம் ஆகஸ்ட் 22ஆம் தேதி, விநாயகர் சதுர்த்தியன்று விழாவாக நடைபெற்றது. விநாயகருக்கு சிறப்பு பூஜை செய்த பின்பு சிறுவர்களின் கலை நிகழ்ச்சிகளும் நடைபெற்றன.
கோவில் நிர்வாகம் ஒருங்கிணைத்த இந்த விழாவில், டாக்டர் டேஷ், தலைமையில் கலசத்திற்குச் சிறப்பு பூஜை நடைபெற்றது. வழிபாடுகள் முடிவடைந்து டாக்டர் டேஷ் அவர்களுக்கு பரிவட்டம் கட்டப்பட்டது. கோபுரக் கலசத்தை ஏந்தி அவர் கோவிலைச் சுற்றி வந்து தேர் மண்டபத்தின் மீது ஏறி கோபுரக் கலசத்தை வைத்ததும் சிறப்பு பூஜை நடைபெற்றது. இந்த விழாவில் முன்னாள் நிர்வாகிகள் உட்பட அனைத்து கோவில் நிர்வாகிகளும், பக்தர்களும் கலந்துகொண்டு சிறப்பித்தனர்.
அன்றைய தினம் எடுக்கப்பட்ட புகைப்படங்கள் சில, உங்களுக்காக:
ராஜேஷ் கோவிந்தராஜ்
