வாழிய மகாத்மா
சத்தியாக்கிரக எழுச்சி மீண்டு வருமா?
சாதிபேதமற்ற புரட்சி சாதனைத் தொடக்கமா?
சத்தியம் கற்றுக்கொடுத்ததோ ஹரியின் நாடகமா?
நிதமும் விளங்கினாய் பக்தியின் பாத்திரமா?
நாட்டுக்குத் தந்தையாய் அடைந்தது பாக்கியமா?
நாட்டுக்காக அறப்போர் நடத்தியது மறப்போமா?
உடையின் எளிமைக்கு வட்டக்கண்ணாடி எழிலூட்டுமா ?
மடைபோல் தொண்டர்கள் உன்பாதத்தில் அடைக்கலமா?
அஹிம்சை போதித்த ஒருதூய ஆத்மா
அந்நியனை விரட்டினாய் நன்றி மகாத்மா!
உன் பிறந்தநாளை வாழ்த்திக் கொண்டாடுவோமா!
உன் கொள்கைகளைக் கட்டளையாக கொள்வோமா!
– பாண்டி
