நீ இங்கு நிஜமானால்…
ஒத்தயில நிக்கும் புள்ள
ஒளிவிளக்கில் ஒளிரும் முல்ல
சித்தமெல்லாம் கலங்கிப் போக – என்
சிந்தையிலே வந்தாய் பெண்ணே
முத்தமொன்று தந்திடவே – என்
முன்னெதிரே வந்தவளே
கைப்புடிச்சு நடந்திட வா
கல்யாணம் பண்ணிட வா
காசு பணம் கேட்டு நானும்
கைப்பிடிக்க வரவில்லை – உன்
கட்டழகு மேனி கண்டு
காதல் நானும் கொண்டேன் புள்ள
முன்னழகில் கிறங்கவைத்தாய்
முடியழகில் கொன்று தின்றாய் – உன்
கண்ணழகில் காதல் கொண்டேன்
கட்டழகே வாடி பெண்ணே
வெட்டரிவா கண் கொண்டு
என் நெஞ்சை அரிஞ்சவளே – நாம்
கைப் புடிச்சு நடந்திடலாம்
காதல் கொள்வோம் வாடி புள்ள
ஒட்டுமொத்த அழகுடனே
ஒளி விளக்கில் ஒளிரும் கண்ணே
ஆடிப் போய் நிக்கிறேன் நான்
யார்தான் படைத்தான் உன்னை
இத்தனை அழகுடன் உன்னை
பிரமன் தான் படைத்தானோ – அன்றி
வேறொருவன் வடித்தானோ
செதுக்கியவன் தாள் பணிவேன்
நெஞ்சமெல்லாம் நிறைந்தவளே
உன்னைப் படைத்தவன் யோகி
கொஞ்சும் அழகே உன்னைக் கூடி
வாழ்பவன் அதியோகி.
– தியா –
