எசப்பாட்டு – ஆண்களின் அவலம்
தேர்வு பலர் எழுதினாலும்
தேர்ச்சி பெற்றுச் சிறப்பது
தேன் போன்ற மகளிரே
தேடிப் பார்த்துப் புடிச்சாலும்
தேசம் முழுதும் சலிச்சாலும்
தேருவது ஆண் மகனின்
தேக்க நிலை எங்குமே !
தேங்கும் நிலை தவிர்த்து
தேம்பி அழுவது தொலைத்து
தேர்ச்சி பெறுவது எந்நாளோ?
வெ/ மதுசூதனன்.
தேங்கிடத் தேவையில்லை
தேவதைகளைத் தேடுதைத் தவிர்த்து
தேவனிடம் வேண்டி நின்று
தேவையான சிரத்தை எடுத்து
தேவையில்லா மனச்சிதறலின்றி
தேடுதல் வேட்கையெடுத்து
தேர்வில் கவனங்கொண்டால்
தேர்ந்திடுவான்
தேர்ச்சி பெறுவான் !!